ÇİN VALYUTA EHTİYATLARININ HƏCMİNƏ GÖRƏ DÜNYADA BİRİNCİ YERƏ ÇIXMIŞDIR
AZƏRTAC xəbər verir ki, ABŞ-ın “Forbes” jurnalının yazdığına görə, Çinin valyuta ehtiyatlarının həcmi 875,1 milyard dollara çatmışdır. Beləliklə, Çin həmin göstərici üzrə Yaponiyanı arxada qoyaraq, dünyada birinci yerə çıxmışdır.Yaponiyanın valyuta ehtiyatları isə son iki ildə, əslində,dəyişməyərək təxminən 850 milyard dollar təşkil edir.
Çinin valyuta ehtiyatı təkcə bu ilin 3 ayı ərzində 56,2 milyard dollar, o cümlədən yanvarda 26,3 milyard, martda 21,4 milyard, fevralda 8,5 milyard dollar artmışdır. Ötən ilin axırlarında ölkənin valyuta ehtiyatları 818,9 milyard dollara bərabər idi. Ekspertlərin fikrincə, Çinin valyuta ehtiyatlarının həcmi bu il bir trilyon dollardan çox ola bilər.
Bölmənin digər xəbərləri
