Çin Yerin müşahidəsi üçün orbitə yeni peyk çıxarıb VİDEO
Pekin, 20 noyabr, AZƏRTAC
Çin Yerin müşahidəsi üçün orbitə yeni peyk çıxarıb.
AZƏRTAC xəbər verir ki, “Gaofen-1103” peykini orbitə aparan "Böyük yürüş-4B" ("Long March”) raketdaşıyıcısının buraxılışı noyabrın 20-də yerli vaxtla səhər 9:51-də Şensi vilayətindəki Tayyüən məntəqəsindən həyata keçirilib. Peyk planlaşdırılan orbitə çatıb.
"Çin kosmos elmləri və texnologiyaları" korporasiyasının hazırladığı peyk yer səthində müxtəlif müşahidələrin aparılması, o cümlədən torpaq ehtiyatlarının öyrənilməsi, şəhərsalma, yol şəbəkəsinin dizaynı, əkin sahələrinin məhsuldarlığının qiymətləndirilməsi və təbii fəlakətlər barədə erkən xəbərdarlıq üçün istifadə olunacaq.
Qeyd edək ki, bu, "Long March" seriyasından olan raketlərin 397-ci buraxılışı olub.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
