Çində helikopter qəzasında 4 nəfər ölüb
Pekin, 11 may, AZƏRTAC
Çinin Yünnan vilayətində meşə yanğınlarının söndürülməsinə cəlb olunmuş helikopterin qəzaya uğraması nəticəsində 4 nəfər ölüb.
AZƏRTAC yerli mediaya istinadla xəbər verir ki, hadisə Dali şəhəri ərazisindəki Arhay gölündə baş verib. Helikopter yanğınsöndürmə əməliyyatı üçün göldən su götürəndə hələlik bilinməyən səbəbdən qəza olub.
Heyət üzvlərinin axtarış işlərinə 500-ə yaxın xilasedici cəlb olunub. Qəza nəticəsində helikopterin 4 heyət üzvündən ikisi yaralı vəziyyətdə tapılsa da, tibb işçilərinin səyinə baxmayaraq onları xilas etmək mümkün olmayıb.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
