ÇİNDƏ QURANIN QƏDİM NÜSXƏSİ TAPILMIŞDIR
AZƏRTAC-ın xarici informasiya agentliklərindən aldığı xəbərə görə, Çinin Dini Məsələlər üzrə Nazirliyinin əməkdaşları ölkənin şimalında, Şanxay yaxınlığında müqəddəs Quranın qədim nüsxələrindən birini aşkar etmişlər. Nadir tapıntı təxminən eramızın X əsrinə aiddir.
Çinin KİV-ləri yazırlar ki, bu, son 50 il ərzində ÇXR ərazisində aşkar edilmiş ilk belə tapıntıdır. Həmin nüsxənin tapılması tarixçilərə İslamın Çin ərazisində yayılması tarixini dəqiqləşdirməyə, habelə bu ölkədə müsəlmanların həyatı barədə daha çox şey öyrənməyə kömək edəcəkdir.
