ÇİNİN NÜVƏ CƏBBƏXANASI TƏXMİNƏN 200 DÖYÜŞ BAŞLIĞINDAN İBARƏTDİR
Çinin nüvə cəbbəxanası təxminən 200 döyüş başlığından ibarətdir. Bu, ABŞ ekspertlərinin güman etdiyindən iki dəfə azdır. AZƏRTAC İTAR-TASS-a istinadla xəbər verir ki, bunu ABŞ Alimləri Federasiyasının əməkdaşı Hans Kristensen və onun Təbii Ehtiyatların Mühafizəsi Şurasından olan həmkarı Robert Norris “Bülletin of atomik sayentists” jurnalında dərc olunmuş məqalədə bildirmişlər.
Ekspertlərin fikrincə, Çinin nüvə döyüş başlıqlarının təxminən 20-si ABŞ ərazisinə çata bilər. Altı ildən sonra Pekinin 300-400 nüvə döyüş başlığı olacağı gözlənilir. Vaşinqton Silahlara Nəzarət Assosiasiyasının məlumatına görə, ABŞ-ın nüvə cəbbəxanasında10 min döyüş başlığı var.
Bölmənin digər xəbərləri
