Culian Assanja qarşı daha 17 maddə üzrə ittiham irəli sürülüb
Bakı, 24 may, AZƏRTAC
“WikiLeaks” saytının qurucusu Culian Assanja qarşı daha 17 maddə üzrə ittiham irəli sürüb. O, casusluq haqqında qanunu pozmaqda ittiham edilir.
AZƏRTAC “RİA Novosti” informasiya agentliyinə istinadla xəbər verir ki, bu barədə ABŞ-ın Ədliyyə Nazirliyinin yaydığı məlumatda bildirilir.
Qeyd edək ki, Culian Assanjın məhkəməsi mayın 30-da davam etdiriləcək.
Xatırladaq ki, Culian Assanj 2006-cı ildə bir sıra hökumətlər, o cümlədən ABŞ rəhbərliyinin fəaliyyəti barədə məxfi informasiyaların dərc olunduğu “WikiLeaks” portalını təsis edib. 2012-ci ildə İsveçin ona qarşı seksual cinayətdə ittihamından sonra Ekvadorun Londondakı səfirliyinə sığınıb və orada təxminən 7 il gizlənib. Aprelin 11-də “Scotland Yard” Ekvador hökumətinin razılığından sonra Assanjı bu ölkənin səfirliyində həbs edib.
Bölmənin digər xəbərləri
