“CÜMHURİYYƏT GENERALLARI” FİLMİNİN ÇƏKİLİŞLƏRİNƏ BAŞLANMIŞDIR
Birliyin direktoru Vüqar Tapdıqlı AZƏRTAC-ın müxbirinə demişdir ki, yeni ekran əsərinin çəkilməsindən məqsəd Azərbaycan ordusunun, milli təhlükəsizlik orqanlarının, ölkə polisinin təməl daşını qoyan görkəmli şəxsiyyətlərin kinosalnaməsini yaratmaqdır. Filmin çəkilişlərinin Tbilisi, Bakı və Gəncə şəhərlərində aparılması nəzərdə tutulur. Ekran əsərində, əsasən, güc orqanları üçün kadrlar hazırlayan ali hərbi məktəblərin tarixçi mütəxəssislərinin müsahibələri, müdavimlərin tarixlə bağlı məlumatları, 1918-20-ci illərin ordu quruculuğu ilə əlaqədar ictimai-siyasi hadisələri, foto, kinoxronikalar, rəsmi sənədlər əksini tapacaqdır. Filmin ssenari müəllifi Əhməd Oğuz, rejissoru Şahəddin Eyvazov, operatoru Nəriman Şıxəliyevdir.
Bölmənin digər xəbərləri
