Daniil Kvyatın dəbilqəsinə görə Formula 1-də reqlamenti dəyişə bilərlər
Bakı, 1 oktyabr, AZƏRTAC
Beynəlxalq Avtomobil Federasiyasının (FIA) yürüş direktoru Maykl Masi bildirib ki, pilota mövsüm ərzində dəbilqənin təsvirini bir dəfədən artıq olmayaraq dəyişdirməyə imkan verən qaydaya növbəti mövsümdə yenidən baxıla bilər.
AZƏRTAC xəbər verir ki, Formula 1 çempionatının Rusiya Qran-Prisində Daniil Kvyata xüsusi boyanmış dəbilqədə çıxış etməyə icazə verilməyib. FIA-nın fikrincə, Kvyat dəbilqədəki təsviri dəyişmək hüququndan artıq Monsada istifadə edib. Yürüşçülər isə rusiyalını dəstəkləyiblər.
Mövsümün hazırkı mərhələsində gələn il üçün reqlamentə dəyişikliklərin daxil edilməsinə artıq bütün komandaların yekdilliklə razılığı tələb olunacaq.
“Mən cümə günü brifinqdə pilotlara dedim ki, biz bu qaydanın dəyişməsi imkanlarını nəzərdən keçirəcəyik. Lakin bu, təkcə FIA-nın işi deyil. Həmçinin “F1 Group” da mövcuddur”, - deyə “RaceFans” Maykl Masidən sitat gətirir.
Bölmənin digər xəbərləri
