David de Xea “Mançester Yunayted”in sabiq qapıçısı Peter Şmeyxelin rekordunu təkrarlayıb
Bakı, 16 fevral, AZƏRTAC
“Mançester Yunayted”in qapıçısı David de Xea komandanın sabiq qolkiperi Peter Şmeyxelin rekordunu təkrarlayıb.
AZƏRTAC xəbər verir ki, 31 yaşlı futbolçu buna İngiltərə Premyer Liqasının 18-ci turunun təxirə salınmış görüşündə - “Brayton”la qarşılaşmada qapısını toxunulmaz saxlamaqla nail olub. Beləliklə, o, yerli çempionatda qol buraxmadığı görüşlərin sayını 128-ə çatdırıb. Bununla da De Xea 1991-1999-cu illərdə “qırmızı şeytanlar”da oynamış Şmeyxelin rekordunu təkrarlayıb.
Qeyd edək ki, “Mançester Yunayted” “Brayton”a 2:0 hesabı ilə qalib gəlib.
Bölmənin digər xəbərləri
