Daxili İşlər Nazirliyi tibb məntəqəsindəki münaqişə ilə bağlı məlumat yayıb
Bakı, 6 may, AZƏRTAC
Daxili İşlər Nazirliyi sosial şəbəkələrdə tibb məntəqəsində qeydə alınan münaqişənin görüntüləri ilə bağlı məlumat yayıb.
Görüntülərlə bağlı nazirliyin mətbuat xidmətinin əməkdaşı Nurlan Əliyev AZƏRTAC-a bildirib ki, vətəndaş R.Nəbizadənin Vətən müharibəsi qazisi N.Babayevi vuraraq xəsarət yetirməsi ilə bağlı polis orqanında araşdırma aparılır. N.Babayevin xəsarətlərinin dərəcəsini müəyyənləşdirilməsi məqsədilə müvafiq ekspertizanın rəyi alınıb.
Faktla bağlı Cinayət Məcəlləsinin 127.2.3 (Qəsdən sağlamlığa az zərər vurma) və 221 (Xuliqanlıq) maddələri ilə cinayət işi açılıb.
Araşdırmalar davam etdirilir.
Bölmənin digər xəbərləri
