DİNİ QURUMLARLA İŞ ÜZRƏ DÖVLƏT KOMİTƏSİNDƏ GÖRÜŞ KEÇİRİLMİŞDİR
Görüşdə DQİDK-nın sədri Dövlət Komitəsi ilə Diyanət İşləri Başqanlığı arasındakı mövcud əlaqələrdən məmnunluğunu ifadə etmişdir. O, Azərbaycandakı dini durumun sabitliyindən, bu istiqamətdə həyata keçirilən tədbirlərdən, DQİDK-nın fəaliyyətinin əsas istiqamətlərindən danışmışdır. Dini sahədə maarifləndirmə işinə önəm verildiyini xüsusi diqqətə çatdıran Rafiq Əliyev, bu sahədə görülən işlərdən, televiziya və mətbuatın mühüm rolundan bəhs etmişdir. Dövlət Komitəsinin Diyanət İşləri Başqanlığı ilə əməkdaşlığın bundan sonra da inkişaf etdirilməsinin vacibliyini nəzərə çarpdırmışdır.
Ölkəmizdə dini tolerantlığın hökm sürdüyünü deyən F.Karaman, qısa müddət ərzində Azərbaycanda belə nailiyyətlərin əldə edilməsini böyük uğur kimi dəyərləndirmiş, dini maarifləndirmənin Diyanət İşləri Başqanlığının da ən çox önəm verdiyi sahə olduğunu bildirmişdir. Qonaq vurğulamışdır ki, sağlam cəmiyyət formalaşdırmaq istəyən dövlət vətəndaşlarının dini tələbatını da nəzərə almalıdır.
Bölmənin digər xəbərləri
