Dörd ayda əsas kapitala 3,7 milyard manat yönəldilib
Bakı, 17 may, AZƏRTAC
Bu ilin yanvar-aprel aylarında əsas kapitala 3 milyard 752,8 milyon manat məbləğində, yaxud ötən ilin müvafiq dövrü ilə müqayisədə 8,7 faiz az vəsait yönəldilib.
Dövlət Statistika Komitəsindən AZƏRTAC-a verilən məlumata görə, neft-qaz sektoruna yatırılmış investisiyaların həcmi 0,7 faiz, qeyri-neft-qaz sektoruna yönəldilən vəsaitin həcmi 15,2 faiz azalıb.
İstifadə olunmuş vəsaitin 2 milyard 722,5 milyon manatı və ya 72,5 faizi məhsul istehsalı sahələrinə, 726,3 milyon manatı (19,4 faizi) xidmət sahələrinə, 304 milyon manatı (8,1 faizi) isə yaşayış evlərinin tikintisinə sərf edilib.
Bölmənin digər xəbərləri
