DÖVLƏT BÜDCƏSİ İLƏ BAĞLI SƏNƏDLƏRHAZIRLANIR
Maliyyə Nazirliyindən AZƏRTAC-ın müxbirinə bildirmişlər ki, “Büdcə sistemi haqqında” Qanuna, “Vergi məcəlləsi”nə əlavə və dəyişikliklər barədə qanun layihələri də büdcə zərfinə daxil edilmişdir. Hökumətin müvafiq qərar və sərəncamları ilə “Dövlət büdcəsinin tərtibi və icrası qaydaları”, “Dövlət büdcəsinin, büdcədənkənar dövlət fondları büdcələrinin tərtibi, icrası və icrasına nəzarət üzrə əməliyyatların əlaqələndirilməsinə dair tədbirlər planı”, “Dövlət büdcəsindən maliyyələşən sahələrdə çalışan işçilərin aylıq vəzifə maaşlarına dair vahid tarif cədvəlləri” və digər normativ sənədlər artıq qüvvəyə minmişdir.
Hazırda dövlət büdcəsi ilə bağlı digər sənədlər hazırlanmaqdadır. Belə ki, bir sıra xərc normativlərinin, o cümlədən büdcədən maliyyələşən sahələr üzrə ortamüddətli inkişaf proqramlarının hazırlanması, pedaqoji sahədə çalışanların, elm, səhiyyə, mədəniyyət işçilərinin əmək haqqı sisteminin təkmilləşdirilməsi, pullu təhsil və tibbi xidmətlərə dair vahid tariflərin (qiymətlərin) müəyyən edilməsi, zərərlə işləyən müəssisələrə, o cümlədən teatrlara büdcədən vəsait ayrılması ilə bağlı normalar, elmi tədqiqat müəssisələrinin ştat normalarının hazırlanması istiqamətində ciddi iş gedir.
Bölmənin digər xəbərləri
