Dövlət Duması SHS-3 müqaviləsi barədə qanun qəbul edib
Moskva, 22 fevral, AZƏRTAC
Rusiya Dövlət Duması ölkənin Strateji Hücum Silahları haqqında Müqavilədə (SHSM) iştirakını dayandırması ilə bağlı qanun qəbul edib.
AZƏRTAC xəbər verir ki, qanuna əsasən, gələcəkdə Rusiyanın müqavilədə iştirakının bərpası barədə qərarı yalnız prezident qəbul edə bilər.
Xatırladaq ki, fevralın 21-də Rusiya Prezidenti Vladimir Putin ölkəsinin ABŞ ilə imzalanmış SHS-3 müqaviləsində iştirakını dayandırdığını elan etmişdi. Eyni zamanda, V.Putin bildirmişdi ki, bu, RF-in müqavilədən tamamilə çıxması demək deyil. Müqavilədə iştirakın bərpası üçün Rusiya NATO-nun digər ölkələrinin - Fransa və Böyük Britaniyanın nüvə arsenalının nəzərə alınmasını istəyir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
