Dövlət Miqrasiya Xidmətinin rəisi vətəndaş müraciətlərini dinləyəcək
Bakı, 24 dekabr, AZƏRTAC
Dövlət Miqrasiya Xidmətinin rəisi Vüsal Hüseynov dekabrın 27-si saat 15:00-da Xidmətin aparatında vətəndaşlarla görüşəcək.
Xidmətdən AZƏRTAC-a bildirilib ki, qəbulda iştirak etmək istəyənlər şəxsiyyətini təsdiq edən sənədlərlə dekabrın 26-dək Bakı şəhəri, Atatürk prospekti 189 ünvanında yerləşən Bakı şəhər regional miqrasiya baş idarəsinə yaxınlaşaraq qeydiyyatdan keçə bilərlər.
Bildirilib ki, qəbula yazılanlardan müraciətin səbəbini aydın və ətraflı göstərməklə şəxsiyyət vəsiqəsini (əcnəbi və vətəndaşlığı olmayan şəxs olduğu təqdirdə Azərbaycan Respublikası ərazisində olmasını və ya yaşamasını təsdiq edən müvafiq sənədi, xarici pasportunu və ya digər sərhədkeçmə sənədini), nümayəndə müraciət etdikdə isə əlavə olaraq bunu təsdiqləyən rəsmi sənədləri təqdim etmələri xahiş olunur.
Bölmənin digər xəbərləri
