DÜNYA BİRJALARINDA NEFT VƏ QIZILIN QİYMƏTLƏRİ AŞAĞI DÜŞMÜŞDÜR
AZƏRTAC xarici mətbuata istinadla xəbər verir ki, aprelin 8-də dünya birjalarında neftin bir barrelinin qiyməti 109 dollardan aşağı düşmüşdür.
ABŞ-ın Nyu-York birjasında neftin bir barreli 108 dollar 80 sentə, London birjasında “Brent” markalı neftin bir barreli 106 dollar 89 sentə satılmışdır.
London birjasında qızılın 1 unsiyası (31 qramı) 922 dollar 85 sent ilə 923 dollar 50 sent arasında dəyişmişdir. Qeyd edək ki, aprelin 7-də Nyu-York birjasında qızılın bir unsiyası (31 qramı) 929 dollar 10 sentə satılmışdır.
Ekspertlərin fikrincə, Beynəlxalq Valyuta Fondunun 403 ton qızıl satacağı barədə yayılan xəbərlərin qızılın qiymətinin azalmasına təsiri olmamışdır.
Bölmənin digər xəbərləri
