DÜNYA BİRJALARINDA NEFTİN QİYMƏTİ AŞAĞI DÜŞMÜŞDÜR
AZƏRTAC xarici mətbuata istinadla xəbər verir ki, dünya birjalarında neftin bir barrelinin qiyməti 126 dollardan aşağı düşmüşdür.
ABŞ-ın Nyu-York birjasında neftin bir barreli 1,75 dollar aşağı düşərək 125 dollar 60 sent olmuş, London birjasında “Brent” markalı neftin bir barreli 1,78 dollar azalaraq 126 dollara satılmışdır.
Bunun əsas səbəbi dolların avro qarşısında dəyər qazanması olmuşdur. İraqda neft istehsalının artması ilə bağlı xəbərlər də neftin qiymətinin aşağı düşməsinə kömək etmişdir.
Xatırladaq ki, ABŞ-ın xam neftinin bir barreli mayın 22-də 135 dollar 9 sentə satılaraq, bütün dövrlərin ən yüksək səviyyəsinə çatmışdı.
Bölmənin digər xəbərləri
