DÜNYA SƏHİYYƏ TƏŞKİLATI AZƏRBAYCAN HÖKUMƏTİNİ QUŞ QRİPİNƏ DİQQƏTİ AZALTMAMAĞA ÇAĞIRIR
Li Çonq-Vuk ölkənin səhiyyə orqanlarının xəstəliyə yaxşı cavab verdiklərini bildirmişdir. Bununla belə, çöl və ev quşlarında xəstəlik əlamətlərinin bir daha baş verməməsi üçün ehtiyat əldən buraxılmamalıdır. Cənab Li Çonq-Vuk vurğulamışdır ki, quş qripinin mümkün pandemiyasına qarşı müdafiə tədbirlərinin gücləndirilməsinə ehtiyac vardır. Quş qripi ilə bağlı ictimai informasiya və maarifləndirmə proqramları xüsusi əhəmiyyətə malikdir.
Məlumatda bildirilir ki, səfər zamanı Azərbaycan və DST arasında gələcək əməkdaşlıq məsələləri də diqqət mərkəzində olmuşdur. Qarşıdakı illərdə DST səhiyyə sisteminin gücləndirilməsi, xüsusilə səhiyyə sisteminin maliyyələşdirilməsi, əczaçılıq, ictimai səhiyyə potensialının gücləndirilməsi və fövqəladə hallara hazırlıq sahəsində Azərbaycana texniki yardım göstərəcəkdir.
Bölmənin digər xəbərləri
