DÜNYA SƏHİYYƏ TƏŞKİLATININ BAŞ DİREKTORU AZƏRBAYCANDAKI İSLAHATLARDAN MƏMNUN QALMIŞDIR
Dünya Səhiyyə Təşkilatının baş direktoru Li Yonq Vuk Azərbaycanda səhiyyə sahəsində həyata keçirilən islahatlardan məmnun qaldığını bildirmişdir. Səhiyyə Nazirliyinin mətbuat xidmətindən AZƏRTAC-ın müxbirinə bildirmişlər ki, bu fikir nazir Oqtay Şirəliyevlə görüşdə vurğulanmışdır.
DST-nin başçısı bildirmişdir ki, Azərbaycan səhiyyə sisteminin yenidən qurulması kimi çətin prosesdə bu qurumun dəstəyinə bel bağlaya bilər.
Nazir O.Şirəliyev quş qripi faktlarının aşkara çıxdığı bir dövrdə DST tərəfindən ölkəmizə göstərilən böyük köməyi xatırlatmışdır.
Cənab Li Yonq Vuk demişdir ki, Azərbaycan bu sınaqdan şərəflə çıxmışdır.
Bölmənin digər xəbərləri
