ƏCNƏBİLƏRƏ SƏUDİYYƏ VƏTƏNDAŞLIĞI VERLİMƏSİ QAYDASI SADƏLƏŞDİRİLİR
AZƏRTAC-ın Ər-Riyaddan aldığı xəbərə görə, Səudiyyə Ərəbistanı əcnəbilərə vətəndaşlıq verilməsi qaydasını sadələşdirir. Kral Fəhd bin Əbdüləziz Al Səudun oktyabrın 19-da açıqlanmış dekretinə görə, burada azı 10 il yaşayan, ərəb dilini bilən, maddi cəhətdən təmin edilmiş və ölkədə ehtiyac olan ixtisas sahibləri vətəndaşlıq ala bilərlər. 6 aydan çox həbsxanada yatmış, habelə əxlaq qaydalarını pozduqlarına görə mühakimə olunmuş şəxslərə vətəndaşlıq verilməyəcəkdir.
Səudiyyəlilərin xarici pasportları olan xanımlarına və dul qadınlarına da, əcnəbi vətəndaşlıqdan imtina etdikləri halda, vətəndaşlıq almaq hüququ veriləcəkdir.
Bölmənin digər xəbərləri
