Ədəbiyyat İnstitutunun əməkdaşı məzunu olduğu məktəbin himninin sözlərini yazıb
Bakı, 6 mart, AZƏRTAC
AMEA-nın Nizami Gəncəvi adına Ədəbiyyat İnstitutunun Elektron xidmətlər şöbəsinin baş mütəxəssisi Zərifə Qasımova məzunu olduğu Xətai rayonundakı 64 nömrəli tam orta məktəbin himninin sözlərinin müəllifidir. Əsərin musiqisini həmin təhsil müəssisəsinin müəllimi Mətanət Tomayeva bəstələyib.
Bu barədə AZƏRTAC-a AMEA-dan məlumat verilib.
Təhsil ocağının yaradılmasının 100 illiyi ilə əlaqədar bu ilin aprel ayında geniş yubiley tədbirinin keçirilməsi planlaşdırılır. Zərifə Qasımovanın adı məktəb jurnalının “Seçilmiş məzunlar” bölməsində də yer alıb. O,
64 nömrəli məktəbi 1996-cı ildə müvəffəqiyyətlə bitirib.
Zərifə Qasımova 2018-ci ildən Nizami Gəncəvi adına Ədəbiyyat İnstitutunun Elmi informasiya və tərcümə şöbəsində baş mütəxəssis kimi fəaliyyət göstərir. O, həmçinin Azərbaycan Yazıçılar Birliyinin üzvüdür. “Çiyələk qoxusu” (“Zapax klubniki”) və “Sehr lələyi” (“Pero volşebstva”) adlı şeir kitablarının, eləcə də bir sıra elmi məqalə və tezislərin müəllifidir.
Bölmənin digər xəbərləri
