EKOLOGİYA VƏ TƏBİİ SƏRVƏTLƏR NAZİRLİYİ PAYIZ MEŞƏSALMALARINA BAŞLAMIŞDIR
Nazir Hüseynqulu Bağırov jurnalistlərə bildirmişdir ki, bu il 9 min hektar sahədə yeni meşə salmaq və meşə bərpası işlərini aparmaq nəzərdə tutulmuşdur. İndiyədək 1511 hektar sahədə müvafiq işlər görülmüşdür. Payız mövsümündə 5300 hektar sahədə meşələrin təbii yolla bərpası prosesinə kömək işləri görüləcək, 2200 hektar sahədə yeni meşələr və massivlər salınacaqdır ki, bunun da 700 hektarı tuqay meşələridir. Böyük və Kiçik Qafqaz, Talış dağlarının ətəklərində 1500 hektar sahədə iş aparılacaqdır.
Ölkəmizin bütün ərazisini əhatə edən meşə bərpası prosesinin həcmi ildən-ilə genişlənir və bu il 2001-ci illə müqayisədə 2 dəfə artmışdır. Ekoloqlar paytaxt ətrafındakı arid zonalarda meşə salınmasına xüsusi diqqət yetirirlər. Ting yetişdirilməsi sahəsində də xeyli irəliləyiş müşahidə olunur. Belə ki, bu il şitilliklərdə yetişdirilən tinglərin sayı 35 milyona çatdırılacaqdır.
Bölmənin digər xəbərləri
