EKOLOJİ QANUNVERİCİLİYİ POZANLAR CƏRİMƏ OLUNMUŞLAR
Ekologiya və Təbii Sərvətlər Nazirliyinin 4-cü ərazi şöbəsinin əməkdaşları Sumqayıtda və Abşeron rayonunda keçirilən reydlər zamanı ekoloji qanunvericiliyin çoxsaylı pozuntularını aşkara çıxarmışlar. Nazirliyin mətbuat xidmətindən AZƏRTAC-ın müxbirinə bildirmişlər ki, Sumqayıt şəhərinin 6-cı mikrorayonu ərazisində ağacın qırılması faktı aşkara çıxarılmış, təqsirkar Asif İsmayılov 50 manat cərimələnmişdir.
Qobustan rayonu ərazisində dəyirman tullantılarının atılmasına nəzarətin olmaması qeydə alınmışdır. Bununla əlaqədar onun sahibi Fuad Alışov inzibati qaydada cərimə olunmuşdur.
Abşeron rayonu ərazisindən qanunsuz balıqqulağı çıxaran sürücü Məmmədağa Mürsəlov barəsində protokol tərtib olunmuş, o, 40 manat cərimə ödəmişdir.
Bölmənin digər xəbərləri
