Elçin Əliyev: Əsas hədəfimiz triatlonun Azərbaycanda kütləviləşməsi və inkişaf etdirilməsidir
Bakı, 24 fevral, AZƏRTAC
Dünyada populyar idman növlərindən olan triatlonun Azərbaycanda kütləviləşməsi və inkişaf etməsi Azərbaycan Triatlon Federasiyasının əsas hədəfidir. Məqsədimiz Azərbaycanda əhalinin 2 faizinin triatlon ilə məşğul olmasına nail olmaqdır.
Bu sözləri Azərbaycan Triatlon Federasiyasının prezidenti Elçin Əliyev qurumun açıq konfransında çıxış edərkən deyib.
Ölkəmizdə istedadlı gənc triatlonçularun yetişdiklərini vurğulayan federasiya prezidenti bildirib ki, onlar 2024-cü ildə ölkəmizi Paris Olimpiadasında təmsil edə bilməsələr də, 2028-ci ildə Los-Ancelesdə təşkil olunacaq Olimpiadada keçiriləcək yarışda mübarizə apara biləcəklər.
E.Əliyev Zəngilan rayonunun Ağalı kəndində triatlon yarışının keçiriləcəyini bildirib: “Triatlon üzrə “Karabakh memorial” adlı yarışın oktyabrın 1-2-də Zəngilanın Ağalı kəndində təşkilini planlaşdırırıq. Bu, Zəngilan rayonunda ilk yarış olacaq”.
Bölmənin digər xəbərləri
