ENERGETİKA HAQQINDA QANUNA DƏYİŞİKLİKLƏR EDİLƏCƏKDİR
AZƏRTAC-ın verdiyi xəbərə görə, iclasda “energetika haqqında” qanuna dəyişikliklər və əlavələr edilməsi, “Cinayət Məcəlləsinə və İnzibati Xətalar Məcəlləsinə əlavə və dəyişikliklər edilməsi haqqında” qanun layihələri müzakirə olunmuşdur.
Energetika haqqında qanunun 8-ci maddəsinin 3 bəndinə təklif olunan dəyişiklikdə deyilir ki, ölçü cihazları təchizatçının balansına keçdikdən sonra həmin cihazların dəyişdirilməsi, təmiri və istismarına görə məsuliyyəti məhz təchizatçı özü daşıyır. Həmin işlər üçün əlavə pul tələb oluna bilməz, ona görə ki, ölçü cihazlarının təmiri, istismarı və quraşdırılması ilə bağlı xətlər enerji tariflərində yerləşdirilibdir.
Cinayət və inzibati xətalar məcəllələrinə təklif olunan dəyişikliklər isə icazə verilməyən yerlərdə torpaq sahələrinin ayrılması, yaşayış evlərinin və digər binaların tikintisinə görə inzibati və cinayət məsuliyyəti məsələlərini özündə əks etdirir. Layihələrin Milli Məclisin müzakirəsinə çıxarılması qərara alınmışdır.
Bölmənin digər xəbərləri
