ƏQLİ MÜLKİYYƏT HÜQUQUNUN TƏMİNİ VƏ MÜDAFİƏSİ İLƏ BAĞLI MÜZAKİRƏLƏR APARILMIŞDIR
AZƏRTAC xəbər verir ki, aprelin 22-də Azərbaycan Respublikasının İnsan Hüquqları üzrə Müvəkkilinin Aparatında “Əqli mülkiyyət hüququnun təmini və müdafiəsinin hüquqi aspektləri: problemlər və perspektivlər” mövzusunda “dəyirmi masa” keçirilmişdir. Tədbir 23 Aprel - Dünya Kitab və Müəlliflik hüququ günü, 26 Aprel - Beynəlxalq Əqli mülkiyyət gününə həsr edilmişdir.
İnsan hüquqları üzrə müvəkkil Elmira Süleymanova əqli mülkiyyət hüququnun qorunmasında ombudsmanın rolundan danışmışdır.
Azərbaycan Müəllif Hüquları Agentliyinin sədr müavini Oqtay Səmədov müəllif hüquqlarının qorunmasının hüquqi aspektləri barədə məlumat vermiş, piratçılığın qarşısının alınması və pozulmuş hüquqların bərpası istiqamətində görülən işlər barədə danışmış, bu sahədə aparılan monitorinqlərin nəticələrini diqqətə çatdırmışdır.
Tədbirdə müəllif-hüquq sisteminin inkişaf prosesi, əqli mülkiyyət hüquqlarının təbliği və müdafiəsində qeyri-hökumət təşkilatlarının rolu və s. məsələlərlə bağlı müzakirələr aparılmışdır.
Bölmənin digər xəbərləri
