Ermənistanda karantin rejimi 2022-ci il iyunun 20-dək uzadılıb
Bakı, 11 noyabr, AZƏRTAC
Ermənistanda koronavirus pandemiyası ilə bağlı karantin rejimi daha altı ay, 2022-ci il iyunun 20-dək uzadılıb.
AZƏRTAC “Sputnik Armeniya” portalına istinadla xəbər verir ki, bu barədə qərar hökumətin iclasında qəbul olunub. Karantin ölkəyə giriş və çıxış, həmçinin özünütəcridlə bağlı xüsusi rejimi nəzərdə tutur.
Son günlər Ermənistanda xəstəliyin artımı müşahidə olunur. COVID-19 virusuna gündə orta hesabla 2 min nəfər yoluxur, 35-75 nəfər ölür. Xəstəxanalarda praktiki olaraq boş yer yoxdur, yüzlərlə xəstə xəstəxanaya yerləşdirilməsini gözləyir.
Ölkədə vaksinasiya səviyyəsi də çox aşağıdır. İndiyədək yalnız 700 min nəfərin peyvənd olunduğu bildirilir. Baş nazir Nikol Paşinyanın sözlərinə görə, Ermənistanda koronavirus səbəbindən epidemioloji vəziyyət son dərəcə gərgindir, lakin hakimiyyət lokdaun elan etmək niyyətində deyil.
Bölmənin digər xəbərləri
