ERMƏNİSTANIN 60-DƏK VƏTƏNDAŞI GÜRCÜ-OSETİN MÜNAQİŞƏSİ ZONASINDA SAXLANILIR

19.10.2004 [14:04]
Çap et
A⁺ A^-

AZƏRTAC-ın xüsusi müxbiri xəbər verir ki, gürcü-osetin münaqişə zonasında Rusiyadan gələn və gürcülər tərəfindən saxlanılan 60 nəfərədək Ermənistan vətəndaşı BMT Baş katibi, ATƏT-in sədri, Gürcüstan və Ermənistan prezidentlərinə xüsusi müraciət hazırlamışdır.

Müraciətdə onların vətənlərinə buraxılması üçün tədbir görülməsi xahiş olunur. Həmçinin qeyd edilir ki, Ermənistanın Gürcüstandakı səfirliyinin və erməni kilsəsinin bununla əlaqədar cəhdlərinə baxmayaraq, gürcü tərəfi onları vətənə buraxmır.

Rəsmi Tbilisi isə ermənilərin Gürcüstana Sxinvali tərəfdən, Roki tuneli vasitəsilə keçdiklərini qeyri-qanuni sayır, Rusiya ilə Gürcüstan arasında nəzarət-buraxılış məntəqəsinin Larsda yerləşdiyini xatırladır və həmin sakinlərin sənədlərini Gürcüstan qanunvericiliyinə müvafiq olaraq qaydaya salmayınca buraxılmayacaqlarını bildirir.

ERMƏNİSTANIN 60-DƏK VƏTƏNDAŞI GÜRCÜ-OSETİN MÜNAQİŞƏSİ ZONASINDA SAXLANILIR

MÜƏLLİFLƏ ƏLAQƏ

Bölmənin digər xəbərləri