“EY İlin İş Adamı” müsabiqəsinə sənəd qəbulu başa çatıb
Bakı, 1 fevral, AZƏRTAC
“Ernst & Young” (EY) şirkəti tərəfindən təsis edilmiş, BP və Azərbaycan Beynəlxalq Bankının sponsorluğu, Kiçik və Orta Biznesin İnkişafı Agentliyi (KOBİA) və "Ekvita" konsaltinq şirkətinin tərəfdaşlığı ilə Azərbaycanda ikinci ildir keçirilən “EY İlin İş Adamı” müsabiqəsinə sənəd qəbulu başa çatıb.
KOBİA-dan AZƏRTAC-a bildirilib ki, müsabiqənin qalibi biznes ictimaiyyətinin, dövlət şirkətlərinin top menecerlərinin və beynəlxalq maliyyə qurumlarının nümayəndələrindən ibarət müstəqil münsiflər heyəti tərəfindən seçiləcək və yaxın aylarda ictimaiyyətə elan olunacaq.
Qeyd edək ki, 2020-2021-ci illər üzrə "EY İlin İş Adamı" müsabiqəsinə sənəd qəbulu ötən ilin sentyabr ayında elan edilib və sənəd qəbulu bu il yanvarın 31-dək uzadılıb. Müsabiqədə kiçik və orta sahibkarlıq subyektləri iştirak edə bilər. Azərbaycan üzrə qalib ölkəmizi iyun ayında keçiriləcək “EY Dünya üzrə İlin İş Adamı” müsabiqəsində təmsil edəcək.
Bölmənin digər xəbərləri
