“Əzizinəm Qarabağ” sənədli filminin təqdimatı olmuşdur
Beyləqan, 13 noyabr (AZƏRTAC). Beyləqan rayonu ərazisində xocavəndli məcburi köçkünlər üçün salınmış qəsəbədə “Əzizinəm Qarabağ” sənədli filminin təqdimatı olmuşdur.
AZƏRTAC xəbər verir ki, Xocavənd Rayon İcra Hakimiyyəti tərəfindən hazırlanan film Xocavənd istiqamətində gedən döyüşlərdə iştirak etmiş və Vətənimizin ərazi bütövlüyü uğrunda şəhid olmuş beyləqanlıların xatirəsinə həsr olunmuşdur.
Təqdimat mərasimdə Xocavənd Rayon İcra Hakimiyyətinin başçısı Eyvaz Hüseynov, Beyləqan rayonundan olan müharibə veteranları və əlilləri, şəhid ailələrinin üzvləri çıxış edərək filmlə bağlı təəssüratlarını bölüşmüş, bu təşəbbüsü yüksək qiymətləndirmişlər.
Qeyd edək ki, doğma Qarabağımızın qədim tarixi, zəngin mədəniyyəti və memarlıq nümunələrinin təbliğ olunması, Ermənistan-Azərbaycan, Dağlıq Qarabağ münaqişəsi ilə bağlı həqiqətlərin, xalqımızın başına gətirilən faciələrin ölkə və dünya ictimaiyyətinə çatdırılması istiqamətində Xocavənd rayonunda mütəmadi olaraq işlər aparılır, silsilə filmlər çəkilir. “Əzizinəm Qarabağ” sənədli filmi də həmin silsilənin davamıdır.
Bölmənin digər xəbərləri
