FAİQ AĞAYEVİN CIXIŞI:
Əməkdar artist FAİQ AĞAYEV çıxışında vurğuladı ki, bu gün burada Azərbaycanın böyük sənətkarları toplaşıblar. Azərbaycan təkcə təbii sərvətlərinə görə deyil, insanlarına, onların zəkasına və sənətkarlığına görə də olduqca zəngin bir ölkədir. Sənətçi olan hər bir kəs, eyni zamanda, örnəkdir, müəllimdir, hətta təşkilatçıdır. Bizim bugünkü toplantımız, çıxışlarımız ətrafdakılar üçün örnəkdir. Vətənin çətin günündə onun övladları birləşir, umu-küsülər yaddan çıxır və Azərbaycan naminə əlbir olurlar. Qəlblərimiz bir döyünür, amalımız da bir olmalıdır. Azərbaycan inəsənətinin daşıyıcıları qarşısında baş əyirəm, sizin hər birinizə cansağlığı arzulayıram.
Biz bir olmalı, bir dildə danışmalı, Azərbaycan naminə bərabər olmalıyıq. Təbiidir ki, bunun naminə yığışmışıq. Mən də bu torpağı dəlicəsinə sevdiyimə görə, sizlərlə bərabər respublikamızın Prezidenti cənab Heydər Əliyevi dəstəkləməyə çağırıram.
Bölmənin digər xəbərləri
