Azərbaycan Dövlət İnformasiya Agentliyi

DÜNYA

FEDERAL TƏHQİQAT BÜROSU MÜSƏLMAN AMERİKALILARLA GÖRÜŞ KEÇİRƏCƏK

14.04.2006 [20:09]
Çap et
A⁺ A^-

AZƏRTAC Röyter agentliyinə istinadla xəbər verir ki, ABŞ-ın Federal Təhqiqat Bürosu (FTB) müsəlman amerikalılarla görüş keçirmək niyyətindədir. Görüş televiziya vasitəsilə bütün ölkəyə yayımlanacaqdır.

Xüsusi xidmət orqanlarının nümayəndəsi Pol Moskal bildirmişdir ki, FTB müsəlmanlarla müntəzəm görüşlər keçirir, lakin ilk dəfə bu tədbir televiziya ilə nümayiş etdiriləcəkdir. Görüş iştirakçıları xüsusi xidmət orqanlarının nümayəndələrinə onları maraqlandıran hər cür sual verə bilərlər.

FTB ümid bəsləyir ki, bu cür proqramların köməyi ilə ərəb mənşəli amerikalıların xüsusi xidmət orqanlarına qərəzli münasibətini dəyişmək və onları terrorizmlə mübarizədə FTB-yə kömək göstərilməsinin vacibliyinə inandırmaq olar.