Fernando Alonso: Bakıda bundan əvvəlki iki yarışda mən xal qazanmışam
Bakı, 1 iyun, AZƏRTAC
Fernando Alonso Formula 1 çempionatında karyerası ərzində Bakıda üç dəfə çıxış edib və sonuncu iki yarışda xal qazanıb. “Alpine” pilotu bu tendensiyanı yenə davam etdirmək və qarşıdakı uik-enddə onluğun heyətində finişə çıxmaq niyyətindədir.
AZƏRTAC Fernando Alonsonun müsahibəsini təqdim edir.
-Bakıda çıxış etmək xoşunuza gəlirmi?
-Bakıda yarışmaq həmişə xoşuma gəlib. Çoxsaylı mürəkkəb döngələr və ötmə əməliyyatlarını yerinə yetirmək üçün imkanlara malik yaxşı trasdır. Biz traslarda ardıcıl olaraq iki mərhələ keçdik və sevinirəm ki, indi bizi ötmə əməliyyatlarını həyata keçirməyə imkan olacaq yürüş gözləyir.
Trasın bəzi hissələrində maksimal sürət çox mühümdürsə, ikinci sektorda sıxıcı qüvvə və mexaniki qoşma prioritet hesab olunur. Uik-end həm pilot, həm də bolid üçün çətindir. Bakıda ümumi optimal balansı tapmaq çox vacibdir.
-Monakoda keçən mərhələ barədə nə düşünürsünüz?
-Mərhələ başlamazdan əvvəl biz boliddən çox şey gözləyirdik, lakin uik-end boyunca biz lazım olan sürəti əldə edə bilmədik. Start mövqe başlıca əhəmiyyət kəsb edirdi, təəssüf ki, təsnifatda yaxşı çıxış edə bilmədik və bu, yürüşü mürəkkəbləşdirdi.
Komanda təhlil üçün xeyli məlumat toplayıb: görəsən Bakı şəhər halqasının ayrı-ayrı hissələrində biz sürəti artıra biləcəyikmi?
-Beş yürüş artıq geridə qalıb. Siz öz mövsümünüzü necə dəyərləndirirsiniz?
-Hər yürüş keçdikcə mən özümü daha əmin hiss edirəm. Biz görürük ki, bu il komandada ilk dəfə çalışanlara adaptasiya üçün daha çox vaxt tələb olunur və mənim də vəziyyətim istisna deyil. Proses davam edir, lakin biz daim öyrənirik və bolidi daha yaxşı hala gətirmək üçün imkanlar axtarırıq.
Bununla yanaşı bilirik ki, bizi çox mühüm olan 2022-ci il gözləyir. Ona görə də bu mövsümü hazırlıq mövsümü hesab etmək olar. Yürüş maşını Portimao və Barselona traslarında daha sürətlidir. Bu səbəbdən də biz həmin sürətə və əldə etdiyimiz təlimlərə əsaslanaraq, birbaşa rəqiblərimizlə mübarizədə daha sabit xallar qazanacağıq.
Bölmənin digər xəbərləri
