“Ferrari” 75 avtomobili geri çağırır
Pekin, 27 mart, AZƏRTAC
İtaliyanın məşhur idman avtomobilləri istehsalçısı “Ferrari”nin Çinə ixrac etdiyi 75 avtomobili idarəetmə panelindəki qüsurlara görə geri çağırılacaq.
AZƏRTAC xəbər verir ki, geri çağırılan avtomobillər 2015-ci ilin iyul-oktyabr aylarında istehsal olunan “Ferrari 488GTB” modelindən olan nəqliyyat vasitələridir.
Bildirilir ki, həmin avtomobillərin idarəetmə panelindəki əyləc valının aşınmasının yuxarı həddə çatmasını göstərən indikator düzgün çalışmaya bilər. Bu da öz növbəsində əyləc valının sıradan çıxmasına və idarəetmə zamanı təhlükəli vəziyyətin yaranmasına səbəb olar.
“Ferrari”nin Çindəki dileri qüsurları öz hesabına aradan qaldıracaq.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
