CƏMİYYƏT
FHN-in Dövlət Yanğın Nəzarəti Xidməti Mingəçevir Dövlət Universitetində maarifləndirmə tədbiri keçirib
![](/files/galleryphoto/2022/3/1200x630/1665579290920558352_1200x630.jpg)
![](/files/galleryphoto/2022/3/1200x630/16655792901427559486_1200x630.jpg)
![](/files/galleryphoto/2022/3/1200x630/16655792904341628186_1200x630.jpg)
![](/files/galleryphoto/2022/3/1200x630/16655792903177111662_1200x630.jpg)
Bakı, 12 oktyabr, AZƏRTAC
Fövqəladə Hallar Nazirliyinin (FHN) Dövlət Yanğın Nəzarəti Xidməti Aran Regional Mərkəzinin əməkdaşlarının iştirakı ilə Mingəçevir Dövlət Universitetində maarifləndirmə tədbiri keçirib.
FHN-in mətbuat xidmətindən AZƏRTAC-a bildiriblər ki, tədbirdə ali təhsil ocağının rəhbər heyəti, müəllim və tələbələri iştirak ediblər.
Tədbirdə yanğın təhlükəsizliyinə dair tələblər barədə söhbətlər aparılıb, baş verə biləcək yanğınlar zamanı ilkin zəruri davranış qaydaları ilə əlaqədar geniş məlumat verilib, təxliyə planından düzgün istifadə olunmasının vacibliyi bildirilib. Həmçinin ərazilərin təmiz, ehtiyat çıxış yollarının daim istifadəyə yararlı, yanğına qarşı su təchizatı qurğularının isə işlək vəziyyətdə saxlanılmasının və ilkin yanğınsöndürmə vasitələri ilə təchizatın zəruriliyi aidiyyəti vəzifəli şəxslərin diqqətinə çatdırılıb.
Tədbirlərdə ilkin yanğınsöndürmə vasitələrindən istifadə qaydaları əyani nümayiş etdirilib, suallar cavablandırılıb.