FIA prezidenti Formula 1-də təsnifat yürüşünün keçirilməsini dəstəkləyib
Bakı, 26 sentyabr, AZƏRTAC
Beynəlxalq Avtomobil Federasiyasının (FIA) prezidenti Jan Todt Formula 1-də bazar günü keçirilən əsas yürüşdə start qaydasını müəyyən edəcək təsnifat yürüşünün keçirilməsini dəstəkləyib.
AZƏRTAC xəbər verir ki, 2021-ci ildə Formula 1 yeni reqlamentə keçəcək və ehtimal olunur ki, onun idman hissəsi ilə əlaqədar müəyyən dəyişikliklərinə artıq 2020-ci ildə etiraz ediləcək. Güman edilir ki, ayrı-ayrı mərhələlərdə ənənəvi təsnifatlar yerinə təsnifat yürüşləri keçirilsin.
“RaceFans” saytı Jan Todtun aşağıdakı sözlərini sitat gətirir: ”Şənbə günü yürüş keçiriləcəyi və onun yekunları əsasında bazar günü üçün start qaydası müəyyən ediləcəyinə baxılması imkanı ilə bağlı iddialar doğru deyil. İş aparılır, lakin müvafiq qərar qəbul edilməyib. Amma mənə elə gəlir ki, bu, maraqlı ideyadır və onun əsasında avtomobil idmanını, xüsusən Formula 1-i inkişaf etdirməyin imkanlarını öyrənmək olar”.
Bölmənin digər xəbərləri
