Formula 1 üzrə dünya çempionatının yeni mövsümdə 3 sprint yarışı keçiriləcək
Bakı, 5 fevral, AZƏRTAC
Formula 1 üzrə dünya çempionatının yeni mövsümdə 3 sprint yarışı keçiriləcək.
AZƏRTAC xəbər verir ki, bu barədə Almaniya mətbuatı məlumat yayıb.
Ötən mövsüm Böyük Britaniya, İtaliya və Braziliyada sprint yarışları təşkil olunmuşdu. Bu uğurlu cəhddən sonra yeni mövsümdən onların sayı artırıla bilərdi. Hətta bununla bağlı razılıq da əldə olunmuşdu. Amma iddialı komandalar sprint yarışlarının artmasına görə xərc limitinin genişləndirilməsini tələb etmişdi. Bu isə azbüdcəli komandaları qane etməmişdi.
Beləliklə, tərəflər ortaq məxrəcə gələ bilmədiyindən sprint yarışlarının 3 dəfə keçirilməsi ilə bağlı qərar qüvvədə qalıb.
Bölmənin digər xəbərləri
