FRANSA İLƏ İSRAİL ARASINDA DİPLOMATİK QALMAQAL
Diplomatın sözlərinə görə, Fransa XİN-in xidmət maşını “Erez” nəzarət-buraxılış məntəqəsində Qəzzə bölgəsindən çıxarkən İsrail hərbçiləri havaya xəbərdarlıq atəşləri açaraq onu dayandırmışlar. O bildirir ki, diplomatik nəqliyyatın oradan keçməsi İsrail komandanlığı ilə razılaşdırılmışdı və hərbçilərin bu hərəkətini “yolverilməz” hesab edir.
Fransa xarici siyasət idarəsinin etiraz bəyanatı İsrailin Parisdəki səfirliyinə təqdim olunmuşdur və E.Ladsusun dediyi kimi, “Təl-Əvivdə də belə ediləcəkdir”.
Oktyabrın 17-də Fransanın xarici işlər naziri Mişel Barnyö İsrailə üçgünlük səfərə gələcəkdir. Nazirin İsrail Prezidenti Moşe Katsavla, Baş nazir Ariel Şaronla və İsrail XİN-in başçısı Silvan Şalomla görüşəcəyi gözlənilir. Danışıqlarda Fələstin-İsrail münaqişəsinin nizama salınmasında Fransanın iştirakı mümkünlüyünün, habelə Fransa cəmiyyətində antisemitizm əhval-ruhiyyəsi ilə mübarizədə Parisin gördüyü tədbirlərin müzakirəsi nəzərdə tutulmuşdur.
