FRANSADA 250 QƏBR VƏHŞİCƏSİNƏ DAĞIDILMIŞDIR
AZƏRTAC-ın xüsusi müxbiri xəbər verir ki, Fransanın Pirene-Oriantal departamentinin Eln şəhər qəbristanlığında 250 qəbr vəhşicəsinə dağıdılmışdır.
Eln bələdiyyə idarəsinin başçısı hadisənin gecə radələrində baş verdiyini açıqlamış, cinayətkarların qəbrləri dağıtdıqdan sonra qəbrlərin 80 faizinin üzərində şeytan işarəsi kimi qəbul olunmuş 666 rəqəmini yazdıqlarını, mərhumların ad və familyalarının qara rənglə boyadıqlarını, bəzilərini isə qismən pozduqlarını, qəbrlərin üzərində xaç işarəsini qopardıqlarını bildirmişdir.
Ölkənin daxili işlər naziri xanım Mişel Allio-Mari baş vermiş hadisədən təəssüf hissi keçirdiyini, vandalizm hərəkətlərinə yol veməklə insanların hissiyatına toxunmuş cinayətkarların tezliklə tapılaraq öz layiqli cəzalarını alacaqlarını bildirmişdir.
Bölmənin digər xəbərləri
