FRANSADA GÜCLÜ TUFAN 3 NƏFƏRİN ÖLÜMÜNƏ, 12 SAKİNİN YARALANMASINA SƏBƏB OLMUŞDUR
AZƏRTAC-ın xüsusi müxbiri xəbər verir ki, Fransanın şimal bölgəsində şənbədən bazar gününə keçən gecə başlamış güclü tufan 3 nəfərin ölümünə və 12 sakinin yaralanmasına səbəb olmuşdur.
Tufan 16 min əhalisi olan qəsəbəyə daha çox zərər vurmuşdur. Külək onlarca evin dam örtüyünü aparmış, parklardakı bütün ağacları kökündən qoparmış, yerli futbol meydançasını tamamilə dağıtmışdır.
Təbii fəlakət bölgənin Bussiyer-sur-Sambr qəsəbəsində də dağıntılar törətmiş, yaşayış binalarına ciddi zərər vurmuşdur.
Xilasedicilər təbii fəlakət zonasında 3 nəfərin cəsədini tapmış və 12 nəfərin yaralandığını müəyyən etmişlər. Yaralılardan 5 nəfərin vəziyyətinin ağır olduğu bildirilir.
Bölmənin digər xəbərləri
