Fransada koronavirusa yoluxanların sayında azalma müşahidə olunur
Paris, 7 may, AZƏRTAC
Fransada COVID-19 pandemiyası başlayandan virusa yoluxanların sayı 137 min 150-yə çatıb. Koronavirusdan xəstəxanalarda 16 min 237 və qocalar evlərində 9 min 572 olmaqla 25 min 809, son 24 saat ərzində isə 278 ölüm faktı qeydə alınıb.
AZƏRTAC xəbər verir ki, bu haqda Fransa Səhiyyə Nazirliyindən məlumat verilib.
Bildirilib ki, epidemiya başlayandan 94 min 798, son bir sutkada isə 833 koronavirus xəstəsi xəstəxanalara yerləşdirilib. Hazırda xəstəxanalardakı 23 min 983 xəstədən 3 min 147-si ağır vəziyyətdə reanimasiya şöbələrindədir. 53 min 972 koronavirus xəstəsi sağalıb. Mayın 6-da 939 yoluxma halı qeydə alınıb.
Qeyd edək ki, 7 həftə təcrid olma rejimindən sonra Fransada koronavirusa yoluxanların sayı azalıb. Mayın 11-dən ölkə təcrid olma rejimindən çıxmağa hazırlaşır.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
