FRANSADA NÜVƏ ƏLEYHİNƏ NÜMAYİŞ KEÇİRİLMİŞDİR
AZƏRTAC-ın xüsusi müxbiri xəbər verir ki, Fransanın Manş departamentindəki liman şəhəri Şerburqda nüvə əleyhinə nümayiş keçirilmişdir. Təşkilatçıların məlumatına görə, 30 minlik nümayişçilər sırasında 20 ölkənin, o cümlədən Rusiyadan, Finlandiyadan, Almaniyadan, Belçikadan, Hollandiyadan və digər ölkələrdən gəlmiş nüvə əleyhdarları iştirak etmişlər.
Ağ kombinezon geymiş nümayişçilər şəhərin küçələrində addımlayaraq 20 il bundan əvvəl Ukraynanın Çernobıl atom elektrik stansiyasında baş vermiş qəza zamanı həlak olanların xatirəsini anmış, insan həyatı üçün ciddi təhlükə yaradan nüvə reaktorlarının dayandırılmasını, nüvə silahı istehsalına son qoyulması tələbi ilə çıxış etmişlər.
Bölmənin digər xəbərləri
