FRANSADAKI ERMƏNİLƏR TÜRK KONSULUNU MƏHKƏMƏYƏ VERMİŞLƏR
AZƏRTAC-ın xüsusi müxbiri xəbər verir ki, Türkiyənin Parisdəki konsulu Aydın Sezginin ermənilərin guya türklər tərəfindən “soyqırıma” məruz qalmaları barədə uydurmalarını ifşa edən faktları konsulluğun İnternet saytında yerləşdirməsi Fransada yaşayan ermənilərin qəzəbinə səbəb olmuşdur. Parisdə fəaliyyət göstərən “Ermənilərin Müdafiə Komitəsi” Türkiyə konsulunu “tarixi faktları saxtalaşdırmaqda” ittiham etmiş və onu məhkəməyə vermişdir. Oktyabrın 11-nə təyin olunmuş ilk məhkəmə iclasına konsulun gəlməməsi erməniləri daha da hiddətləndirmiş və onlar baş tutmamış məhkəmənin noyabr ayının 15-nə təyin edilməsinə nail olmuşlar.
Ermənilərin bu növbəti qalmaqalı son zamanlar Türkiyənin Avropa Birliyinə daxil olması barədə danışıqların aktuallaşmasından keçirdikləri narahatlıqla bağlıdır.
Bölmənin digər xəbərləri
