FUTZAL ÜZRƏ ÖLKƏ ÇEMPİONATINDA 10 KOMANDA MÜBARİZƏ APARACAQDIR
Z.Axundov demişdir ki, sentyabrın 6-da futzal üzrə ölkə çempionatında çıxış edəcək bütün klubların rəhbərləri ilə görüş keçiriləcək və qarşıda duran vacib məsələlər müzakirə ediləcəkdir. Çox güman ki, çempionatın püşkü də həmin gün atılacaqdır. Oyunlara isə sentyabrın 19-da start veriləcəkdir.
Futzal Federasiyasının prezidenti demişdir ki, ölkə çempionatında iştirak edəcək klubların sifariş ərizələri üçün ödədikləri məbləğ xeyli azaldılmışdır. Bundan əlavə, hər klub üçün 10 ədəd top ayrılmışdır. Komandaların oyunlarını keçirdikləri və məşq etdikləri idman komplekslərində qiymətlərin münasib olması üçün Futzal Federasiyası tərəfindən müəyyən işlər görülmüşdür. Ölkə birinciliyində paytaxt komandaları ilə yanaşı, bir sıra regionların klubları da qüvvələrini sınayacaqlar. Hazırda Gəncə və Qubada futzal klublarının yaradılması istqamətində iş aparılır.
Bölmənin digər xəbərləri
