“GƏLƏCƏYİN ƏSGƏRİ”NİN DİLİ DÖYÜŞ ELEKTRONİKASI İLƏ TƏCHİZ EDİLƏCƏK

27.04.2006 [15:36]
Çap et
A⁺ A^-

AZƏRTAC xarici KİV-lərə istinadla xəbər verir ki, ABŞ-ın “gələcək ordusu”nun əsgərləri hərbi vəziyyəti dilin köməyi ilə başa düşəcəklər. Maşın və İnsan Qavrayışı İnstitutunun alimləri bu orqandan beyinlə sensorlar arasında körpü kimi istifadə etmək təklifini irəli sürmüşlər. Artıq könüllülər üzərində sınaqdan keçirilən qurğu kar və kor adamlar üçün elektron protezlər kimi təsir göstərir. Elektrik siqnalı bu və ya digər orqandan gələn sinir impulslarını dəyişdirir. Neyrofizioloqlar aydınlaşdırmışlar ki, dilin sinir lifləri səmərəli siqnal keçiricisidir. Ona görə də elektrodları beyinə qoşmağa lüzum yoxdur.

Sensorlar hiss orqanlarının imkanlarını genişləndirir. Silah-sursatla təchiz olunmuş əsgər döyüş meydanını ovcunun içi kimi görə, radarla ətrafı yoxlaya, sahənin infraqırmızı təsviri ilə istiqamətlənərək, qaranlıqda hərəkət edə bilər. Bunun üçün zəruri cihazlar 144 elektrodlu şleyfin köməyi ilə dilə birləşdirilir. Cihazın dalğıclar üçün xüsusi növü də hazırlanmışdır. Bundan əlavə, alimlər vestibulyar aparatın da pozuntular olan adamlar üçün dəbilqənin “tibbi variantını” da buraxmaq niyyətindədir.

“GƏLƏCƏYİN ƏSGƏRİ”NİN DİLİ DÖYÜŞ ELEKTRONİKASI İLƏ TƏCHİZ EDİLƏCƏK

MÜƏLLİFLƏ ƏLAQƏ

Bölmənin digər xəbərləri