Gənc qılıncoynadanlarımız Macarıstanda dünya kubokunun mərhələ yarışında iştirak ediblər
Bakı, 11 yanvar, AZƏRTAC
Macarıstanın paytaxtı Budapeştdə qılıncoynadmanın sablya növü üzrə gənclər arasında dünya kubokunun mərhələ yarışına yekun vurulub.
AZƏRTAC Azərbaycan Qılıncoynatma Federasiyasının saytına istinadla xəbər verir ki, oğlan sablyaçıların yarışında qrup mərhələsini 5 qələbə ilə başa vuran Maqsud Hüseynli 32-liyə yüksəlmək uğrunda görüşdə turnirin qalibi, Almaniya idmançısı Kolin Hizkoka 6:15 hesabı ilə uduzub.
Qrupu 3 qələbə ilə bitirən Saleh Məmmədov və Murad Əkbərov 64-lüyə yüksəlmək uğrunda müvafiq olaraq Almaniya və Türkiyə təmsilçiləri ilə qarşılaşıblar. S.Məmmədov Almaniya idmançısı Robet Piçaya 8:15, M.Əkbərov isə türkiyəli Öztürk Alkimə 13:15 hesabı ilə məğlub olublar.
Qızların yarışında qrupda 2 qələbəsi olan Sofiya Mamina mübarizəni erkən dayandırıb.
Bölmənin digər xəbərləri
