GƏNCƏ RET-DƏ ELEKTRİK ENERJİSİNDƏN İSTİFADƏ QAYDALARININ POZULMASININ SAYI 18,6 FAİZ AZALMIŞDIR
“Azərenerji” ASC-nin mətbuat xidmətindən AZƏRTAC-a bildirmişlər ki, cari ilin mayında “Gəncə regional enerji təchizatı” MMC üzrə elektrik enerjisindən istifadə qaydalarının 131 pozulma faktı qeydə alınmışdır ki, bu da ötən aydakından 30 fakt, yaxud 18,6 faiz azdır.
Bununla əlaqədar, istehlak olunmuş elektrik enerjisi haqqının mütləq ödənilməsi barədə müvafiq akt tərtib edilmişdir. Beləliklə, 1,6 milyon kilovat-saatdan artıq elektrik enerjisinin dəyəri (təxminən 98 min manat) bərpa olunmuşdur. Bu məbləğin 55 faizə yaxını ödənilmişdir.
Qeydə alınan qayda pozuntuları arasında surğucların zədələnməsi və istehlak olunmuş elektrik enerjisinin müəyyən hissəsinin hesaba alınmaması üçün sayğaclara müdaxilə hallarına tez-tez rast gəlinir.
“Gəncə RET” Gəncə, Xanlar, Samux, Daşkəsən, Goranboy paylayıcı elektrik şəbəkələrinin əhatə edir.
Bölmənin digər xəbərləri
