GƏNCƏ TÜRK LİSEYİNDƏ ZİYALILARLA GÖRÜŞ KEÇİRİLMİŞDİR
AZƏRTAC xəbər verir ki, Gəncədəki özəl türk liseyində ziyalılarla görüş keçirilmişdir.
Gəncə Şəhər Ziyalılar Cəmiyyətinin və Gəncə şəhər Nizami bələdiyyəsinin özəl türk liseyi ilə birgə təşkil etdikləri görüşdə əvvəlcə ölkəmizdə gənc nəslin təlim-tərbiyəsində, onların müstəqil respublikamızın layiqli vətəndaşları kimi yetişməsində orta məktəblərlə yanaşı, özəl türk liseylərinin göstərdiyi xidmətdən bəhs edən videofilm göstərilmişdir.
Liseyin direktoru Serhat Aktaş qonaqları salamladıqdan sonra Gəncə Ziyalılar Cəmiyyətinin sədri, Azərbaycan Milli Elmlər Akademiyasının müxbir üzvü Fuad Əliyev, Nizami bələdiyyəsinin sədri Faiq Əhmədov, Gəncə təhsil idarəsinin rəisi Mahal Əliyev, şəhər icra hakimiyyəti başçısının müavini Akif Ələkbərov, YAP Gəncə şəhər təşkilatının sədri İsrafil İsmayılov və başqaları müstəqil Azərbaycanın inkişafında ziyalıların üzərinə düşən vəzifələrdən danışmış, ulu öndər Heydər Əliyevin, eləcə də onun layiqli davamçısı, Prezident İlham Əliyevin ziyalıların əməyinə verdiyi qiyməti xatırlatmış, qayğı və diqqətə görə minnətdarlıqlarını bildirmişlər.
Görüş Gəncə Dövlət Filarmoniyası kamera orkestrinin, Gəncə Dövlət Kukla Teatrı estrada şou qrupunun, eləcə də lisey şagirdlərinin çıxışları ilə başa çatmışdır.
Axırda ziyalılar liseyin kollektivi ilə xatirə şəkli çəkdirmişlər.
Bölmənin digər xəbərləri
