Gənclər Liqasının bərpa olunması nəzərdə tutulur
Bakı, 29 aprel, AZƏRTAC
Koronavirus (COVID-19) qlobal pandemiyası ilə əlaqədar yaranmış mövcud vəziyyətlə bağlı Nazirlər Kabineti yanında Operativ Qərargahın qəbul etdiyi qərarlara uyğun olaraq, AFFA müxtəlif yaş qruplarından ibarət komandalar arasında keçirilən liqalarda oyunları qeyri-müəyyən vaxta qədər təxirə salıb. Operativ Qərargah aprelin 27-dən etibarən xüsusi karantin rejiminin müəyyən qədər yumşaldılması barədə qərar qəbul edib.
AZƏRTAC xəbər verir ki, xüsusi karantin rejimi mayın 4-də saat 00:00-da başa çatacağı təqdirdə, AFFA-nın təşkilatçılığı ilə keçirilən Gənclər Liqasında oyunların azarkeşsiz olmaq şərtilə mayın 20-də bərpa olunması nəzərdə tutulur. Bu məsələ AFFA və müvafiq liqada mübarizə aparan klubların nümayəndələri ilə mütəmadi qaydada müzakirə olunur.
Xüsusi karantin rejimi ilə bağlı mövcud vəziyyət hər hansı şəkildə dəyişəcəyi təqdirdə, Nazirlər Kabineti yanında Operativ Qərargahın qəbul edəcəyi qərarlara uyğun olaraq AFFA tərəfindən Gənclər Liqası barədə müvafiq qərarlar qəbul oluna bilər.
Bölmənin digər xəbərləri
