“Gənclik” metrostansiyasının keçidlərində “Qələbə ruhunu yaşadanlarımız” sərgisi açılıb
Bakı, 7 may, AZƏRTAC
“Bakı Metropoliteni” QSC-nin “MetroGallery” layihəsi çərçivəsində daha bir sosialyönümlü tədbir keçirilib.
AZƏRTAC xəbər verir ki, 9 may - Qələbə Gününə həsr olunmuş “Qələbə ruhunu yaşadanlarımız” adlı sərgi “Bakcell” şirkətinin dəstəyi ilə Metropolitenin “Gənclik” stansiyasının keçidlərində açılıb.
Fotosərgidə Böyük Vətən müharibəsində qəhrəmancasına vuruşmuş 57 azərbaycanlı veteranın fotolarından ibarət tablolar nümayiş etdirilir.
Altı ay davam edəcək sərgidə 57 müharibə qəhrəmanının şəkli ilə yanaşı, dövlətimizin veteranlarımıza diqqət və qayğısını əks etdirən fotostendlər, Böyük Vətən müharibəsində Azərbaycanın roluna həsr olunmuş müxtəlif məzmunlu məlumat lövhələri də nümayiş etdirilir. Sərgidə nümayiş olunan fotolarla virtual tanışlıq da mümkündür. Bunun üçün tamaşaçılar smartfon və ya planşetlərə “QR-code” mobil əlavəsini yükləyərək, şəkillərdəki kodlardan istifadə edə bilərlər.
Bölmənin digər xəbərləri
